這篇日誌由 偉強/潔冰 所寫

台北4天攝影之旅

這篇日誌由 偉強 所寫

2008-11-27
第一天, 一早起身到天水圍坐 E34 到機場, 先去拎機票(窗口位呀唔該), 再拎台証, 時間尚早就食多個早餐先入閘, 係閘內影下相, 去下廁所就上機lu.上到飛機坐著空姐面對面位, 有咩事要幫手...食左個好飽飽滯滯既飛機餐都落機lu, 因為坐長榮, 係第二航廈入境, 俾第一航廈靚好多, 跟住行行下就見倒飛狗巴士, 上車去酒店. 飛狗真係幾方便, 轉車時有人會提你, 轉車後直接到酒店門口, 很方便!

酒店check in 後call 麗舍, 老闆親自接送, 到麗舍後就要開始揀衫, sexy,高貴,可愛, 太多靚衫揀唔落手!!好辛苦咁揀左一套粉紅玫瑰花, 一套黃色短, 藍色低胸, 及兩套白色婚紗, 而我就加多一千港幣換左一套比較型既黑色禮服及白色"踢死兔"

夜少少同攝影師King 傾下行程, 化妝師楊老師 傾下d 化妝就到西門町食些少野回酒店休息~

第二天7點9坐的士到麗舍化妝, 效果比預期中好好多!假眼捷毛, 假髮, 有人成個楊丞琳咁既款~ 而我就第一次染髮!!

第一次見倒助手小頭, 跟據小頭同楊老師既對話...king sir 唔知醒~~化好後妝king sir 都到了, 還有司機黃大哥~ 一行6人坐住7人車到士林官邸, 好多遊人, 景色好靚, 仲好有人大靚新娘""好漂靚" , 某人開心得不得了~~

第二站到溫泉區, 有陣陣怪味..可能係溫泉問題啦..同場都有幾對新人係度拍婚紗相, 熱門地方呀!!

第三站到圖書館, 有一個荷花池

第四站到一個應該比較少人知道既地方, king sir 話只有佢先知既地方, 一遍荒地但有一大遍橙色花海, 合晒某人口味!!

第五站到一個海岸, 有些很特別既建築物,又有幾對新人在這裏拍照呀.. 地名忘記了~ 天氣開始凍了...

第六站到了司機黃大哥提供的一個海灘, 沒有人的一個海灘, 楊老師不小心仆倒了..>_< , 係呢個海灘拍左幅假 "Nike"!!I like!!!

最後一站, 情人橋..凍得要命...有人著住套黃色衫跳跳下成隻小蜜蜂飛飛下咁...不過天氣實在太凍, 拍了很少便完結我們當天的拍攝了~~

最後King sir 請我地食大雞排(不了豪大大, 是一間不太出名叫"可麗杯"的店舖, 據他們說這一間特別好食!!

到麗舍後便回酒店落妝, 之後去左華西街夜市行行企企便完成第二天之旅~

第三天...由於太晏起身, 冇早餐食~ 去左台北車站微風廣場食早/午餐, 買左把傘同埋李儀鳯梨酥返酒店便出發出血之旅...total 三百幾張相...要揀剩60張真係冇可能...痛苦+心痛的一個下午..最終補8800買多40 張相...噴血!!!
逗留到人地收工, 拍左幾張合照便由副經理車我地去繞河街夜市, 食左好多好好食既野, 有地瓜,魷魚, 排骨湯..飽飽咁坐住個有老花的的士司的大叔既車回酒店, 酒店好好人, 幫我地訂埋飛狗返機場的車票, 第二日係酒店上車就ok!!!

最後一天, 今次早左些少落去食早餐, 粟米片好食, 狂飲奶!!跟住上樓執行李寄存便出去西門町行啦..可能飲奶多得滯..肚痛..
路過三兄妹食左個3p冰, 老爸泡芺, 買左港記手信, 係誠品買左一本書, 小飾物便回酒店等飛狗出機場.

到機場hello kitty 候機室不停咁影相...之後上飛場返香港lu...洗錢之旅完結~~

新居裝修 - Day8

這篇日誌由 偉強 所寫

放假日, 一早師傳就開緊工啦, 俾左第一筆裝修費同埋d 門既model~

今日師傅開廚房電線槽坑同埋房既天花線, 師傳話天花線用纖維做, 唔用木, 原因係木既會出蟲..都係既, 潮濕既話都幾驚. 另外俾埋廚櫃公司既廚櫃圖俾師傳去諗電掣位, 而尋日搵左煤氣公司叫人黎報價改喉, $595, 做完瓦仔先改喉.

師傅提到外牆漏水問題....油一層透明防水油係外牆....同之前傾既有出入..考慮中...

師傳收工後, 俾我發現左客房天花谷起左, 搞落去唔同聲, 原來係層批灰甩左..而我就專登整穿佢, 等師傳一定要執!!

p.s. 要搵定大廈對講機啦!!

新居裝修 - Day6

這篇日誌由 偉強 所寫

送磚日,請左假幫手搬磚(諗住), 未到9點送地磚司機就打黎啦(都未起身...), 再打俾師傳..Orz..唔黎??見倒有另一個師傳係到拆野, 唔打攪佢啦, 自己搬啦.

好彩今日大風, 唔太熱, 又有車仔, 7-8轉倒搬晒, 頭先係咁二數過下d 磚, 打開左d 尾數黎睇, o岩貨!

拆野師傳拆到3點幾4點, 好大塵, 隔離屋婆婆投訢了..我入左去佢屋企望一望...連自己都嚇親, 佢張玻璃枱, 廁所枱面可以寫字..因為d 塵...叫媽媽聽日買生果送過去啦......

5點幾攪掂晒, 全屋拆晒, 原來牆磚係難拆過地板, 鑽左一日幾先鑽晒


p.s. 今日興記大女出嫁, d 磚有少少阻佢...sorry !

門, 廚櫃

這篇日誌由 偉強 所寫

尋日用左一整日去揀門, 大門, 房門 x 2 都用白色焗油, 廁所廚所就用白色鋁摺門(見下圖), 咁全間屋既門就係白色, 好似比較一致!



另外搵左廚櫃公司傾左櫃既安排, 同埋決定用彩寶石, 平過Staron差唔多一半呀!!!

新居裝修 - Day2

這篇日誌由 偉強 所寫

今日係新屋裝修第二日, 成間屋都拆得7788, 但d 泥頭垃圾仲未清走, 聽朝起身要過去睇下有冇開工先, 師傅話聽日會攪漏水.

另外聽日去睇門, 全屋白色門, 因為易襯, 仲要去埋廚櫃公司傾下計..好忙~